პროექტის ფინალური პრეზენტაცია გაიმართა

დღეს ლანჩხუთის მუნიციპალიტეტის ადმინისტრაციულ შენობის სხდომათა დარბაზში საქართველოს სასოფლო დარბაზის აღმასრულებელმა დირექტორმა ამირან გიგინეიშვილმა ჩაატარა პროექტის ფინალური პრეზენტაცია „გადაწყვეტილების მიღების პროცესში სასოფლო თემების მონაწილეობის გაძლიერების ხელშეწყობის „ მიზნით. ამირან გიგინეიშვილმა აღნიშნა რომ საქართველოს დარბაზი ახორციელებს ევროპის ფონდის მიერ დაფინანსებულ პროექტს: გადაწყვეტილების მიღების პროცესში სასოფლო თემების მონაწილეობის გაძლიერების ხელშეწყობას. პროექტის მიზანია დასახლების საერთო კრების ამოქმედებით ხელი შეეწყოს ლანჩხუთის მუნიციპალიტეტის სოფლების მოსახლეობის ადგილობრივი ხელისუფლების გადაწყვეტილების მიღების პროცესში ჩართვის მნიშვნელოვნად ამაღლებას. ამ მიზნის მისაღწევად შეირჩა მუნიციპალიტეტის დასახლებები: გრიგოლეთი, ეწერი და ორაგვე. გრიგოლეთში კრების რჩეული გახდა აკაკი კვაჭაძე, ეწერში ზვიად ნაკაიძე, ხოლო ორაგვეში ტარიელ ურუშაძე. ინფორმაცია კრებაზე მიღებული პრობლემური საკითხების მოგვარების შესახებ კომპეტენციის ფარგლებში შეძლებისდაგვარად სრულდება. ფინალურ პრეზენტაციის განხილვას ესწრებოდა მუნიციპალიტეტის გამგებელი ზაზა ურუშაძე,პირველი მოადგილე ნუგზარ ცინცაძე,საკრებულოს თავმჯდომარე გიორგი ხელაძე,მოადგილე ბესიკ ტაბიძე,საკრებულოს დეპუტატები და კრების რჩეული მოქალაქეები.

www.lanchkhuti.org.ge 

დასახლების საერთო კრება ორაგვეში

2017 წლის 23 მარტს ლანჩხუთის მუნიციპალიტეტის სოფელ ორაგვეში ჩატარდა ადგილობრივი საინიციატივო ჯგუფების მიერ ორგანიზებული დასახლების საერთო კრება. კრება ჩატარდა "ადგილობრივი თვითმმართველობის კოდექსის" სრული დაცვით. განხილული იქნა 2 საკითხი, კრების რჩეულის არჩევა და სოფლებში არსებული პრობლემების გამოვლენა და პრიორიტეტიზაცია. რჩეულად აირჩიეს ტარიელ ურუშაძე. ორაგვეს უმთავრესი პრობლმებია ბუნებრივი აირის შეყვანა სოფელში, მისასვლელი გზის რეაბილიტაცია, წყლის სისტემის რეაბილიტაცია, სოფელში უბნის ექიმის დანიშვნა, მუნიციპალური ტრნსპორტის დანიშვნა, შიდასასოფლო გზების მოწესრიგება, სანიაღვრეების მოწყობა, კოლმეურნეობის შენობის სტატუსის განსაზღვრა. იდენტიფიცირებული პრობლემების ჩამონათვალი კრების ოქმთან ერთად მიეწოდება მუნიციპალიტეტის გამგეობას რეაგირებისთვის.

ღონისძიებები ჩატარდა ევროპის ფონდის მხარდაჭერით და შვედეთის საერთა­შორისო განვითარების სააგენტოს (SIDA) დაფინანსებით მიმდინარე „საქართველოს სასოფლო დარბაზის“ პროექტის „გადაწყვეტილების მიღების პროცესში სასოფლო თემების მონაწილეობის გაძლიერების ხელშეწყობა“ ფარგლებში.

დასახლების საერთო კრებები გრიგოლეთსა და ეწერში

2017 წლის 17 მარტს ლანჩხუთის მუნიციპალიტეტის სოფელ გრიგოლეთში, ხოლო 18 მარტს სოფელ ეწერში ჩატარდა ადგილობრივი საინიციატივო ჯგუფების მიერ ორგანიზებული დასახლების საერთო კრებები. კრებები ჩატარდა "ადგილობრივი თვითმმართველობის კოდექსის" სრული დაცვით. კრებებზე განხილული იქნა 2 საკითხი, კრების რჩეულის არჩევა და სოფლებში არსებული პრობლემების გამოვლენა და პრიორიტეტიზაცია. რჩეულად გრიგოლეთში აირჩიეს აკაკი კვაჭაძე, ხოლო ეწერში ზვიად ნაკაიძე. გრიგოლეთის უმთავრესი პრობლმებია ცენტრალურ გზაზე სანიაღვრე არხების არ არსებობა, საგზაო რეგულირების მოუწესრიგებლობა და დამისამართების არ არსებობა. ეწრის პრობლემებია წყალგაყვანილობის არ არსებობა, დაზიანებული შიდა გზა და თხილის დაავადება. იდენტიფიცირებული პრობლემების ჩამონათვალი კრების ოქმთან ერთად მიეწოდება მუნიციპალიტეტის გამგეობას რეაგირებისთვის.

ღონისძიებები ჩატარდა ევროპის ფონდისმხარდაჭერითდაშვედეთის საერთა­შორისო განვითარების სააგენტოს (SIDA) დაფინანსებით მიმდინარე „საქართველოს სასოფლო დარბაზის“ პროექტის „გადაწყვეტილების მიღების პროცესში სასოფლო თემების მონაწილეობის გაძლიერების ხელშეწყობა“ ფარგლებში.

თუ შენ საკუთარი სოფლის განვითარება გსურს, ეს აუცილებლად უნდა წაიკითხო!

იცი თუ არა,  რომ შენ მეზობლებთან  ერთად შეგიძლია:

განიხილოთ თქვენი სოფლის მნიშვნელოვანი სოციალური და ეკონომიკური საკითხები და მუნიციპალიტეტისთვის წარსადგენად მოამზადოთ შესაბამისი წინადადებები;

განიხილოთ სოფელში განსახორციელებელი პროექტები მუნიციპალიტეტის ბიუჯეტში მათ ასახვამდე და შესაბამისად მუნიციპალიტეტს წარუდგინოთ დასაბუთებული შენიშვნები და წინადადებები;

განიხილოთ მიმდინარე და უკვე განხორ­ციელებული პროექტები და მუნიციპალიტეტის ორგანოებისთვის წარსადგენად მოამზადო შესაბამისი შენიშვნები და წინადადებები;

ორგანიზება გაუწიოთ  სოფლისთვის მნიშვნე­ლო­ვანი საკითხების გადაწყვეტაში სოფლის  ჩართვას  და  საჭიროების შემთხვევაში, დახმარებისთვის მიმართოთ მუნიციპალიტეტის ორგანოებს;

მიიღოთ გადაწყვეტილება მუნიციპალიტეტის საკრებულოსთვის პეტიციის წარდგენის შესახებ;

განიხილოთ დასახლების საზღვრების დადგენისა და შეცვლის საკითხები და მოამზადოს შესაბამისი წინადადებები, რადგან უთქვენოდ ამ საკითხს ვეღარ გადაწყვეტენ;

ვრცლად...

დასახლების საერთო კრება - ჩართულობის ქმედითი მექანიზმი

საქართველოს ორგანული კანონში “ადგილობრივი თვითმმართველობის კოდექსი” ადგილობრივი თვითთმართველობა განმარტებულია როგორც „თვითმმართველ ერთეულში რეგისტრირებულ საქართველოს მოქალაქეთა უფლება და შესაძლებლობა, მათ მიერ არჩეული ადგილობრივი თვითმმართველობის ორგანოების მეშვეობით, საქართველოს კანონმდებლობის საფუძველზე გადაწყვიტონ ადგილობრივი მნიშვნელობის საკითხები.“გამომდინარე ამ განმარტებიდან, ადგილობრივი თვითმმართველობისთვის, როგორც ადგილობრივი დემოკრატიის განხორციელების უმთავრესი მექანიზმისთვის, ძალზედ მნიშვნელოვანია არჩეული ადგილობრივი ხელისუფლების მხრიდან მოსახლეობის გადაწყვეტილების პროცესში ჩართვის სრულფასოვანი უზრუნველყოფა. ამასვე ამბობს „ევროპული ქარტია ადგილობრივი თვითმმართველობის შესახებ“, სადაც აღნიშნულია, მიუხედავად იმისა, რომ ადგილობრივი თვითმმართველობა ლეგიტიმურია მხოლოდ არჩეული წარმომადგენლობითი და აღმასრულებელი სტრუქტურის შემთხვევაში, „ეს დებულება არანაირ ზეგავლენას არ მოახდენს მოქალაქეთა მონაწილეობაზე ასემბლეებში, რეფერენდუმებში და ნებისმიერი სახის პირდაპირ მონაწილეობაზე იქ, სადაც ეს კანონით ნებადართულია“ (მუხლი 3.2). სწორედ ამ საფუძველზე, საზოგადოებრივი ორგანიზაციების ფართო მონაწილეობით, 2015 წლის 22 ივლისს ორგანულ კანონში „ადგილობრივი თვითმმართველობის კოდექსი“, განხორციელდა ცვლილება და მოქალაქეთა მონაწილეობის ერთ-ერთ უმთავრეს ფორმად განისაზღვრა დასახლების (სოფლის) საერთო კრება.

ვრცლად...